देखो दाज्यू पहाड़ बज्यूण हैगो

पहाड़क ले फेसबूकम फस्क्यूण गई।
खेती पाती सब या ले बज्यूण हे गई।।

देखो दाज्यू  पहाड़ बज्यूण  हैगो।।

बोटु ताऊ बे जेबर सब सेल्फ़ी लिणहम मस्त छन।
बाकई सब लोग पोउ पे बेर ग़ध्यारम परस्त छन।।

देखो दाज्यू  म्यर पहाड़ बज्यूण  हैगो।।

बाड़ा ऊना पन सिसुण जामण भैगो।
पहाड़क आदिम शहर जाण नेह्गो।।

देखो दाज्यू  म्यर पहाड़ बज्यूण  हैगो।।

घरक ख़ाँण हरेगो मैगी चौमिन में मन नहेगो।
आपणी भाषाक बुलाण छुट गौ अंग्रेजी में दिल भैगो।।

देखो दाज्यू  म्यर पहाड़ बज्यूण  हैगो।।


श्याम जोशी अल्मोड़ा (चंडीगढ़ )
( सर्वाधिकार सुरक्षित )